தந்திர யோகம் :

தந்திர யோகம் :

   ' தந்திரம் ' என்றால் என்ன ? சிரமப்பட்டு செய்யக்கூடிய ஒரு காரியத்தை மிக எளிதாகச் செய்து முடிக்க ஒரு வழியைக் கண்டுபிடித்தால் அதையே தந்திர வழி என்கிறோம். உதாரணமாக , மனிதன் ஓரிடத்திலிருந்து மற்றோர் இடத்திற்குச் செல்ல இயற்கை (அல்லது கடவுள்) அவனுக்கு கால்களைப் படைத்திருக்கிறது.
         ஆதி மனிதன் தனது கால்களாலேயே தூரத்தைக் கடந்தான். அறிவு வளர வளர மனிதன் பல தந்திர வழிகளை - சுலபமான வழிகளைக் கண்டு பிடித்தான். குதிரைமீது சவாரி செய்தவன் பின்னர் குதிரை வண்டியைக் கண்டுபிடித்தான். படிப்படியாக மோட்டார் வாகனங்கள், ஆகாய விமானம் என முன்னேறி, இன்று ராக்கெட் வரை கண்டுபிடித்தாகி விட்டது. தூரத்தைக் கடக்க மனிதன் கண்டுபிடித்த தந்திர வழிகளே இவை !
            அது போன்றே நோய்கள் வராமல் தடுக்கவும், வந்த நோய்களை குணப்படுத்தவும் நம் முன்னோர்கள் சில தந்திர வழிகளைக் கண்டுபிடித்தனர். அவற்றுள் முக்கியமான ஒரு வழியே ' முத்திரைகள் ' !